2021年8月18日 低醣增肌減脂計劃 day 17
「就算需要出街食，只要識揀啱嘅低醣食物就ok」
早餐🥣早啲起身煮個豐富嘅早餐叫醒自己😆我懷念以前去日本食早餐成日都食到三文魚，於是蒸左一件三文魚，加個奇異果補充維他命C，苦瓜炒蛋係幫阿哥準備lunch box嘅時候順便炒多咗，啲西蘭花都係偷佢嘅🤣冇錯我阿哥都繼續同我同步減緊價所以朝頭早區依然係一早起身幫佢準備低醣lunch box先再返工。中間嗰pat係黑芝麻醬同埋杞子，都係啲養生嘢啦😆咁樣食完先去返工😋元氣滿滿💪
午餐🍲因為一連幾日我都要同同事外出training，唔可以帶飯所以一定要出街食，去到餐廳然之後再揀自己適合食嘅嘢就可以, 好似嚟到呢間大學嘅canteen，見到佢有半隻切雞就咁點🤩另外加油菜走油，完全符合我嘅低醣高蛋白質需要😛好多觀眾都問出街食有乜嘢選擇，其實都真係幾多選擇，有機會拍返一集低醣飲食期間出街食啲乜同大家介紹吓😝
.
晚餐🥗因為本人家住大西北，雖然放工返到屋企有啲夜，但係如果可以我都堅持自己煮，蒸三隻小雞髀，另外炒咗一份蘑菇吞拿魚洋蔥秋葵炒蛋，營養蛋白質爆燈，在烚咗啲番薯苗，🈵️足💛😋
話咁快就已經第17日啦，仲有兩個星期左右我一定會堅持埋落去💪💪💪
Search